शुद्धोधन गाउँपालिकाको नाम परिवर्तन हुने

शुद्धोधन गाउँपालिकाले भर्खरै मात्र गाउँ सभाको १७ औ अधिवेशन सम्पन्न गरेको छ ।
अधिबेशनले गाउँपालिका काे नाममा शुद्धोधन काे ठाउँमा शुद्धोदन सच्याउने विषयमा प्रकृया सुरु गरेको छ ।
शुद्धोधन गाउँपालिकाले आफ्नो नामको शुद्धिकरण र दीर्घकालीन विकासका लागि नाम परिवर्तनको प्रस्तावसहित १२ वटा प्रमुख कार्यसूची पारित गरेको थियो ।

Advertisement

गाउँपालिकाका अध्यक्ष विष्णुप्रसाद बस्यालले प्रस्तुत गरेका कार्यसूचीहरू सभाले सर्वसम्मत अनुमोदन गरेको थियो ।
प्रवक्ता केशव प्रसाद अधिकारीले नाम शुद्धिकरण र परिवर्तनको प्रस्ताव पेश गर्दै, गाउँपालिकाको नाम ‘शुद्धोधन’ लाई व्याकरणिक रूपमा परिमार्जन गरी ‘समृद्ध शुद्धोधन’ बनाउने प्रस्ताव अगाडि बढाइने जानकारी दिनुभयो। जसले गाउँपालिकाको दीर्घकालीन विकास र समृद्धिलाई केन्द्रित गर्ने विश्वास व्यक्त गरिएको छ।

सभाको १७ औ अधिवेशन २ दिन सम्म चलेको थियो। प्रमुख प्रशासकीय अधिकृत बिष्णु बहादुर घर्तिको संचालनमा सम्पन्न उक्त अधिवेशनमा चालू आर्थिक वर्षको वार्षिक बजेट पारित गर्नुका साथै अन्य १२ वटा महत्वपूर्ण कार्यसूचीहरू अनुमोदन गरिएको थियो।