जेन-जी आन्दोलनलाई मेयर बालेनको समर्थन
काठमाडौँ । जेनजी पुस्ताले सोमबार गर्ने प्रदर्शन अहिले सामाजिक सञ्जालमा चर्चामा रहेको छ ।सोमबार हुने आन्दोलनबाट आफ्नो स्वार्थ पूरा गर्न नखोज्न पनि उनले पार्टीका नेता, कार्यकर्ता, सांसद तथा अभियान्ताहरूलाई चेतावनी पनि दिएका छन्।
Advertisement
फेसबुकमा स्टाटस लेख्दै उनले सोमबार हुने स्वतःस्फूर्त र्याली जेन जि पुस्ताको आवाज भएको उल्लेख गरेका हुन् । आफू उमेर हदबन्दीका कारण त्यहाँ उपस्थित हुन नमिल्ने भए पनि युवापुस्ताको सोच र इच्छालाई बुझ्ने चाहना व्यक्त गरेका छन्।
उहाँहरू २८ वर्ष मुनिका युवाहरू हुनुहुन्छ, जसका लागि म पनि अझै बुढो देखिन्छु । मलाई पनि उहाँहरूको इच्छा, उद्देश्य र सोच बुझ्न मन छ,’ उनले लेखेका छन् ।बालेनले उक्त आन्दोलनलाई कुनै राजनीतिक दल, नेता वा कार्यकर्ताले आफ्नो स्वार्थका लागि प्रयोग नगर्न चेतावनीसमेत दिएका छन् ।
भोलि यो स्वतफुर्त र्यालीमा कुनै पार्टी, नेता, कार्यकर्ता, सांसद, अभियन्ताहरू आफ्नो स्वार्थ पूरा गर्न बाठो नबन्नु होला । म उमेर हदबन्दीको कारण जान मिल्दैन, तर उहाँहरूको कुरा बुझ्नु जरुरी छ, मेरो भरपुर समर्थन छ । प्रिय जेन जी भन्नुस् तपाईँहरुले कस्तो देश देख्न चाहनु हुन्छ ?
जेन-जी पुस्ताले सोमबार बिहान ८ बजेदेखि प्रदर्शनको तयारी गरेका छन् । उनीहरूले हालै सरकारले गरेको सामाजिक सञ्जाल बन्द र बढ्दो भ्रष्टाचारविरुद्ध आन्दोलन गर्न लागेका हुन् ।
प्रतिकृया दिनुहोस्