कांग्रेस सभापति गगन थापाले दिए राजीनामा !
काठमाडौं, ५ चैत । नेपाली कांग्रेसका सभापति गगन थापाले राजीनामा दिएका छन् ।
गत फागुन २१ गते भएको प्रतिनिधिसभा निर्वाचनमा पराजित भएका थापाले बुधबार नै उपसभापति विश्वप्रकाश शर्मालाई राजीनामा बुझाएका हुन् ।Advertisement
विशेष महाधिवेशनमार्फत कांग्रेस नेतृत्वमा आएका थापाले २१ फागुनमा भएको चुनावमा आफूसहित पार्टीले पराजय व्यहोरेपछि नैतिकताका आधारमा राजीनामा दिएका हुन् ।
गगन आफैँ सर्लाही ४ मा पराजित भएका छन् भने कांग्रेसले प्रत्यक्षमा १८ र समानुपातिकमा २० गरी ३८ सिट मात्रै जितेको छ । पार्टीलाई जिताउन नसकेको भन्दै थापाले राजीनामा दिएका हुन् ।
थापा निर्वाचनअघि भएको विशेष महाधिवेशनबाट सर्वसम्मत सभापति निर्वाचित भएका थिए । थापाले दिएको राजीनामाबारे पार्टीको आगामी बैठकले निर्णय लिनेछ । केन्द्रीय कार्यसमिति बैठक शुक्रबार बोलाइएको छ ।
पूर्वसंस्थापन समूहका नेताहरूले भने विशेष महाधिवेशनको औचित्य नै समाप्त भइसकेको भन्दै पार्टीलाई त्यसअगाडिकै हैसियतबाट अगाडि बढाउनुपर्ने माग गरिरहेका छन् । शुक्रबार बस्ने बैठकमा सभापति थापाको राजीनामाबारे निर्णय लिने बताइएको छ ।
प्रतिकृया दिनुहोस्