शुद्धोधनमा चौथो राष्ट्रपति रनिङ्ग शिल्ड प्रतियोगिता सम्पन्न
चौथो शुद्धोधनमा राष्ट्रपति रनिङ्ग शिल्ड प्रतियोगिता सम्पन्न
ग्रेटफुल दिनेश
फागुन ०९ लबनी , कपिलवस्तु
चौथो राष्ट्रपति रनिङ शिल्ड प्रतियोगिता, २०७९ आज सम्पन्न भएको छ। विभिन्न १७ खेलहरुमा सञ्चालन गरिएकोमा ९ गोल्ड सहित माध्यमिक विद्यालय ठूलो नन्दनगर प्रथम, पूर्ण केशर माध्यमिक विद्यालय बगदी ३ गोल्ड सहित द्वितीय र नेपाल राष्ट्रिय नमुना माध्यमिक विद्यालय औरहिया मुडफुटवा ३ गोल्ड सहित तृतीय स्थान हासिल गर्न सफल भएका छन्।
Advertisement
यस प्रतियोगितामा छनौट भएका खेलाडीहरू शुद्धोधन गाउपालिकाको प्रतिनिधित्व गर्दै जिल्ला स्तरीय राष्ट्रपति रनिङ शिल्ड प्रतियोगितामा सहभागी हुनेछन्। विजेता खेलाडीहरूलाई गाउपालिका अध्यक्ष कमलेश शरण चौधरी ,उपाध्यक्ष होम प्रकाश चौधरी , शिक्षा अधिकृत धनी प्रसाद शर्मा ,वडाअध्यक्ष मनोज कुमार यादव,वडाअध्यक्ष महिब्बुदिन मुसलमान ,वडाअध्यक्ष आशुतोष कुमार सिंह र यस कार्यक्रममा खेल संयोजक लालचन्द्र पाण्डेयलेसदस्य तथा प्रमाणपत्र प्रदान गर्नुभएको थियो।
समापन कार्यक्रमको अध्यक्षता गर्नुभएका गाउपालिका अध्यक्ष कमलेश शरण चौधरीले सहभागी सम्पूर्ण विद्यालय तथा खेलाडीहरूलाई धन्यवाद दिँदै छनौट भएका खेलाडिहरूलाई जिल्लास्तरिय प्रतियोगिताका लागि शुभकामना व्यक्त गर्नुभएको थियो।
लेखकको सम्वन्धमा