लुम्बिनी बसपार्कका १२ वटा पसलमा आगलागी पूर्णरुपमा क्षति

पुस २, लुम्बिनी, रुपन्देही।
लुम्बिनीका साना पसलहरुमा आगलागी भएकले लुम्बिनी बसपार्कका १२ वटा पसलमा पूर्ण रुपमा क्षति पुगेको छ ।
राती १ बजेदेखि आगलागि सुरु भएपछि स्थानीय तथा व्यवसायीले इलाका प्रहरी कार्यालय तथा लुम्बिनी सांस्कृतिक नगरपालिकाको कार्यालयमा जानकारी गराए पनि नगरपालिकाको दमकल समयमा पुग्न नसकेको स्थानीयको भनाइ छ ।

Advertisement

आगलागीबाट बसपार्कमा रहेका माला पसल, रेष्टुरेण्ट, गिफ्ट हाउस, फेन्सी पसल गरी १२ वटा पसल जलेर नष्ट भएको स्थानीय व्यवसायी बताउँछन् ।
व्यवसायी पिन्टु वनियाले स्थानीयको सहयोगमा आगलागि नियन्त्रणमा आएको बताए । ‘दमकल समयमा नआउँदा धेरै क्षति भएको बताए । दमकल समयमा आएको भए यति धेरै क्षति हुनेथिएन’ उनले भने । नगरपालिका, स्थानीय, लुम्बिनी विकास कोषले के गर्न सक्छ, छिटो राहत उपलब्ध गराउनुपर्छ, उनले भने ।
आगलागी पछि तत्कालै लुम्बिनी सांस्कृतिक नगरपालिकामा दमकलका लागि फोन गरे पनि दमकल नआएपछि आगो नियन्त्रणमा लागि ढिला भएको भन्दै स्थानीय आक्रोशित छन । लुम्बिनी सांस्कृतिक नगरपालिकाबाट समयमा दमकल नआएपछि भैरहवास्थित सिद्धार्थनगर नगरपालिकामा दमकलका लागि फोन गरिएको थियो । भैरहवाबाट दमकल आएपछि मात्रै आगो नियन्त्रणमा आएको ब्यवसायीहरुले बताए हुन ।