तेस्रो समपूर्ण कप शुरु हुंदै

समपूर्ण युवा क्लब, तिलोत्तमा-१४, सुपौलीको आयोजनामा समपुर्ण कप नकआउट फूटबल प्रतियोगिताको तेस्रो संस्करण यही मंसिर ७ गते देखि शुरु हुने भएकोछ। तिलोत्तमा-१४, सुपौली स्थित कारवाकेली भवनमा आज सम्पन्न पत्रकार सम्मेलन मार्फत क्लबले सो जानकारी सार्बजनिक गरेको हो। मंसिर ७ देखि २२ सम्म संचालन हुने प्रतियोगितामा रुपन्देही, नवलपरासी, कपिलवस्तु, पाल्पा का उत्कृष्ट १६ टिमहरुको सहभागिता रहनेछ। प्रतियोगिता अन्तर्गतका खेल हरु समपूर्ण युवा क्लबको संरक्षणमा रहेको बाउन्नकोटी सामुदायिक बनको खेल मैदानमा संचालन हुनेछन। क्लबका अध्यक्ष अबिर पुनको अध्यक्षता रहेको पत्रकार सम्मेलन कार्यक्रमको संचालन क्लबका सह सचीव रबी  अर्यालले गर्नु भएको थियो। कार्यक्रममा प्रमुख अतिथी समेत रहनु भएका तिलोत्तमा-१४ का जनप्रतिनिधि वडा सदाय भुपाल सिंह छन्त्याल, रुपन्देही जिल्ला फूटबल संघका उपाध्यक्ष मुकेश कुंवर, सिद्दार्थ ईट्टा उधोगका प्रबन्ध निर्देशक ईश्वरी वस्ती लगायतले शुभकामना मन्तब्य राख्नु भएको थियो भने राष्ट्रिय रेफ्री अमर पुनले प्रतियोगिताको खेल नियमावली बारे प्रकाश पार्नु भएको थियो। स्व बस बहादुर शेरपुन्जा पुन र स्व दिलकुमारी शेरपुन्जा पुनको स्मृतिमा संचालन हुन गई रहेको तेस्रो समपूर्ण कप नकआउट फूटबल प्रतियोगिता २०८१ को बिजेताले ट्रफी सहित नगद रु २,२२,२२२/- हात पार्नेछ भने उपबिनेता बन्ने टिमले नगद रु १,११,१११/- प्राप्त गर्नेछ। प्रत्येक खेलमा म्यान अफ दि म्याच र प्रतियोगिता अवधी भर उत्कृष्ट खेल प्रदर्शन गर्ने खेलाडीहरुलाई बिधागत पुरस्कारको ब्यवस्था रहेको क्लबका सह सचीव रबी अर्यालले बताउनु भयो। आंउदो शुक्रबार देखि शुरु हुने प्रतियोगिताको जिंगल (Theme song) पनि आजै पत्रकार सम्मेलन मार्फत सार्बजनिक गरिएको थियो।

Advertisement